भदौ १५ गतेसम्म वर्कसप बन्द

१ भदौ, काठमाडौं । सवारी साधन मर्मत सम्भार गर्ने अटो वर्कसपहरु बन्द भएको छ । कोरोना भाइरसको संक्रमण दिनप्रति दिन बढ्दै जान थालेपछि आगामि भदौ १५ गते सम्मलाई वर्कसप बन्द भएकाे हाे ।

नेपाल अटोमेकानिक्स व्यवसायी संघले सोमबारदेखि भदौ १५ गतेसम्म बन्द गर्ने जानकारी दिएको छ । संघले सोमबार एक अपिल प्रकाशित गरी एम्बुलेन्स, अस्पताल र सुरक्षा निकायका सवारी साधनबाहेक अन्य सवारी साधन मर्मत सम्भारको काम बन्द गरेको जानकारी दिएको छ ।

अत्यावश्यक सेवाका सवारी साधन मर्मत गर्नुपरेमा वर्कसपमा मास्क, पञ्जाको प्रयोग गर्ने, साबुन पानीले हात धुने वा सेनिटाइजरको प्रयोग गरी सुरक्षित तरिकाले काम गर्न संघले वर्कसप व्यवसायीलाई आग्रह गरेको छ ।