निषेधाज्ञाको पहिलो दिन कारोवार रकम कम, यसकारण भयो बजारको दिशा अनिश्चित ?

भाद्र ४, काठमाडाैं । काठमाडाैंमा निषेधाज्ञा भएको पहिलो दिन शेयरबजारमा ६ अङ्कको वृद्धि देखिएको छ । आज नेप्से परिसूचक शुन्य दशमवल ४५ प्रतिशतले वृद्धि भएको छ ।

नेप्सेमा १८२ कम्पनीको शेयर कारोवार हुँदा ३९ करोड ३१ लाख बराबरको शेयर कारोवार भएको छ । निषेधाज्ञाले गर्दा कारोवार रकम निकै घटेको छ । नेप्से परिसूचक ६ दशमलव २८ अंकले वृद्धि हुँदै १३९७ दशमलव ५७ को विन्दुमा बन्द भएको छ ।

आज बजार १३९१ दशमलव २५ को विन्दुमा खुलेकोमा बजारले ११ बजेर ३१ मिनेटमा १३८९ दशमलव ४५ को न्यून विन्दुसम्म पुगेको थियो । बजारको उच्च विन्दु १ बजेर ८ मिनेटमा १४०३ दशमलव ९३ थियो । आजको बजारमा कारोवार रकम निकै कम भएकाले बजारको भावी दिशाको बारेमा भन्न मिल्ने अवस्था छैन । त्यस्तै आज ईण्ट्राडेमा बजार १४०० माथि पुगे पनि त्यो विन्दुमाथि टिक्न सकेको थिएन ।

आज नेको इन्स्योरेन्सको शेयर सर्वाधिक कारोवार भएको छ । नेको इन्स्योरेन्सको ३ करोड ०२ लाख बराबरको शेयर खरिदबिक्री भएको छ ।

सम्वृद्धि फाइनान्स , सिभिल लघुवित्त, विशाल बजार कम्पनी, सुर्योदय लघुवित्त र बेस्ट फाइनान्स सर्वाधिक कमाउने ५ कम्पनी हुन भने सर्वाधिक गुमाउने ५ कम्पनीमा जोशी हाईड्रोपावर, साधना लघुवित्त, मल्टीपर्पोज फाइनान्स, माउन्टेन हाईड्रो र श्री इन्भेस्टमेन्ट फाइनान्स रहेका छन् ।

प्राविधिक बिश्लेषण :

✍ प्रतिरोध २ः १४३० । प्रतिरोध १ः १४१५ । टेवा १ः १३८० । टेवा २ः १३६२

✍ आज शेयरबजारको प्रवृत्ति केही सकारात्मक रहेको छ । कारोबारको पहिलो दुई घण्टासम्म बजार बढेको र त्यसपछि बजार सच्चिएर पछिल्लो कारोबार समयमा बजार प्रवृत्तिहिन रहेको थियो। आजको मैनबत्तीले बजार बढेको संकेत गरे पनि उतारचढाव कम रहेको जानकारी दिएको छ ।

✍ आज परिमाण कम भएकोले बजारमा लगानीकर्ताहरुको सहभागिता कम रहेको जानकारी दिएको छ।

✍ दैनिकी अवधिमा “आरएसआई” ४९ दशमलब ४१ को बिन्दुमा छ। यसको प्रवृत्तिले बजार सामान्य रहेकोे जानकारी दिएको छ।

✍“एडीएक्स” र जोड / बिजोड “डाइरेक्सनल इन्डेक्स”हरुले दिएको संकेत प्रभावकारी देखिन्दैन।

✍  “अन ब्यालेन्स भल्यूम” ले बजारमा क्रेताको चाप हुन सक्ने जानकारी दिए पनि बजारको प्रवृत्तिले हालसम्म समर्थन गरेको देखिन्दैन।

✍ बजार बढेमा पहिलो प्रतिरोध १४१५ को क्षेत्रमा रहेको देखिन्छ । त्यस्तै, हाल बजारको तत्कालिन टेवा १३८० को क्षेत्रमा रहेको देखिन्छ।