अब रातीदेखि बिहानसम्म मात्रै तरकारी बजार खुल्ने

५ भदौ, काठमाडौं । कोरोना संक्रमण बढेपछि अब रातीदेखि बिहानसम्म मात्रै तरकारी बजार खुल्ने भएको छ । कालीमाटी, बल्खु, कुलेश्वरसहितका तरकारी तथा फलफूलको होलसेल बजार राती १२ बजेदेखि बिहान ९ बजेसम्म मात्रै खुल्ने भएको हो ।

निषेधाज्ञाको पहिलो दिन बिहीबार ती बजार राती १२ बजेदेखि बिहान ७ बजसम्म मात्रै सञ्चालनमा आएको थियो । किसानले बजारसम्म ल्याएको तरकारी निषेधाज्ञाकै कारण बिक्न छाडेपछि बजार खुल्ने समयअवधि बढाउन व्यवसायीले जिल्ला प्रशासन कार्यालयमा आग्रह गरेका थिए ।

दिउँसोमा संक्रमितको संख्या बढेको र रातीमा जोखिम कम हुने भएपछि राती र बिहान तरकार बजार खुलाइएको प्रशासनको भनाई छ ।