आजदेखि बैंकका शाखा कार्यालय खुला

५ भदौं, काठमाडौं । उपत्यकामा निषेधाज्ञाको दोस्रो दिन बैंकका शाखा कार्यालय खुलेका छन् । गृह मन्त्रालयले बैंकका कर्मचारीलाई बैंकको परिचय पत्रकै आधारमा कार्यालय आउन जान दिनू भन्ने परिपत्र गरेपछि बैकहरुले शुक्रबारदेखि मात्रै शाखा कार्यालय खोलेका हुन् । यसअघि हिजो भने बैंकका शाखा कार्यालय बन्द थिए ।

बिहीबार कार्यालय हिडेका बैंकका कर्मचारीहरुलाई प्रहरीले बाटैमा रोकेको थियो । विरोधमा बैंकर्स संघले हिजो बैंक कार्यालय खोल्न अस्वीकार गरेको थियो । लगत्तै गृह मन्त्रालयले समन्वय गरेर बैंकका कर्मचारीलाई कार्यालय जान आउन दिन ट्राफिक प्रहरी कार्यालयलाई निर्देशन दिएको थियो ।