कला पत्रकारितामा सक्रिय ज्ञवालीको ‘डार्क मुन’ सार्वजनिक

७ भदौ, काठमाडौं । एक दशकदेखि कला पत्रकारितामा सक्रिय रामजी ज्ञवालीको निर्देशनमा तयार भएको सर्ट फिल्म ‘डार्क मुन’ सार्वजनिक गरिएको छ ।

रामजी ज्ञवालीको निर्देशनमा तयार भएको सर्ट मुभीमा साहिल खान, सूर्या थापा, क्रिजन गौतम शीर्ष भूमिकामा छन् भने तनुजा कार्की, निशाव लम्साल, यूमी बरालले अभिनय गरेका छन् ।

सामाजिक यथार्थ घटनालाई ‘डार्क मुन’मार्फत देखाउन खोजिएको छ । आमाले सन्तानप्रतिको दायित्व निर्वाह नगर्दा सन्तानको भविष्य कतातर्फ जान्छ भन्ने यथार्थलाई देखाउन खोजिएको छ ।

डार्क मुनको कथा प्रदीप भारद्धाजले लेखेका हुन् । कृष्मा गौतम र सारा भूर्तेलले निर्माण गरेको सर्ट मुभीलाई नवराज उप्रेतीले छायाँकन गरेका हुन् । चलचित्रमा सुदीप बरालको डीओपी, एलिश कार्कीको ब्याकग्राउण्ड स्कोर, बिशाल निरौलाको गायन तथा संगीत, साहिल खानको सम्पादन छ ।

https://youtu.be/C7T94cRTjhM