सिरहाका कोरोना संक्रमित युवाको धरानमा मृत्यु

८ भदौ, विराटनगर । सिराहाको लहानका २२ वर्षीय कोरोना संक्रमित युवकको धरानमा मृत्यु भएको छ । आइतबार कोरोना संक्रमण पुष्टि भएका उनको सोमबार दिउँसो धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको हो ।

श्वासप्रश्वासमा समस्या देखिएका उनी भदौ २ गते अस्पताल भर्ना भएका थिए । संक्रमण पुष्टि भएपछि आइसोलेसनमा राखेर उपचार गर्ने क्रममा सोमबार मृत्यु भएको अस्पतालले जनाएको छ ।

मृतक युवक लागूऔषध प्रयोगकर्ता थिए । मुटुसम्बन्धी समस्या ग्रसित उनको मृत्यु हुनुमा कोरोना मात्रै जिम्मेवार नरहेको अस्पतालको भनाई छ ।