आज देशभर ८५५ कोरोना संक्रमित थपिए

९ भदाै, काठमाडाैं ।  पछिल्लो २४ घण्टामा देशभर कोरोनाका ८ सय ५५ संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा सो संख्याका संक्रमित थपिएका हुन्। याे सहित हालसम्म संक्रमित हुनेको संख्या ३३ हजार ५ सय ३३ पुगेको छ।

विगत २४ घण्टामा ३ सय १३ जना कोरोनाबाट निको भई घर फर्किएको गौतमले बताए। यीसहित हालसम्म १९ हजार १ सय १९ जना कोरोनाबाट निको भएका छन्। विगत २४ घण्टामा ११ हजार ३ सय २७ जनाको पीसीआर परीक्षण भएको छ।