सुनसरीका २१ थुनुवामा कोरोना, कारबाही प्रक्रिया अन्यौलमा

९ भदौ, विराटनगर । सुनसरीका २१ जनालाई थुनुवालाई कोरोना संक्रमण भएको छ । सुनसरी जिल्ला प्रहरी कार्यालयको हिरासतमा रहेका २१ जना थुनुवालाई कोरोना संक्रमण पुष्टि भएको प्रहरी प्रमुख एसपी कमल थापाले जानकारी दिए ।

उनका अनुसार आइतबार स्वाब संकलन गरिएका २१ थुनुवामा कोरोना संक्रमण पुष्टि भएको हो । संक्रमण पुष्टि भएकाहरु हत्या, बलात्कार, लागूऔषध, सवारी ज्यानलगायत मुद्धाका प्रतिवादी हुन् ।

उनीहरुलाई थुनुवाबाटै कोरोना सरेको आशंका गरिएको छ । थुनुवालाई संक्रमण पुष्टि भएपछि प्रहरी कार्यालयमा सतर्कता अपनाइएको छ । थुनुवालाई नै कोरोना संक्रमण देखिएपछि मुद्दाको अनुसन्धान र कारवाही प्रक्रिया अन्योलमा परेको छ ।