भक्तपुरको मध्यपुर थिमिमा ११४ संक्रमित, अस्पताल शिल

९ भदौ, काठमाडौं । भक्तपुरको मध्यपुर थिमि नगरपालिकामा १ सय १४ संक्रमित पुगेका छन् । पछिल्लो १० दिनयता मात्रै ७१ जना व्यक्तिमा कोरोना देखिएपछि कोरोना संक्रमितको सख्या १ सय १४ पुगेको हो । संक्रमितमध्ये १३ जना निको भइसकेको नगरपालिकाकाले जनाएको छ । अधिकांश संक्रमितले आफ्नै पहलमा पीसीआर परीक्षण गरेका थिए ।

संक्रमितको ट्रेसिङमार्फत २०० जनाको पीसीआर परीक्षण गरेको भागिरथले जानकारी दिए । ट्रेसिङमार्फत भएको परीक्षणमा भने जम्मा छ जनामा संक्रमण देखिएको पनि उनले बताए ।

कोरोना संक्रमण देखिएपछि नेपाल कोरिया मैत्री र इवामोरा अस्पताल सिल गरिएको थियो । उक्त अस्पताल अहिलेसम्म पूर्ण रूपमा सञ्चालनमा आउन सकेको छैन । अहिलेसम्म थिमिका छ जना स्वास्थ्यकर्मीमा संक्रमण देखा परेको छ । जसमध्ये २ जना डाक्टर, तीन जना नर्स र एक जना हेल्थ असिस्टेन्ट रहेका छन् ।

त्यस्तै, तीन जना बैङ्क र एक जना फाइनान्सका कर्मचारीमा पनि कोरोना संक्रमण पुष्टि भएको छ । संक्रमित भेटिएपछि घर नै सिल गर्ने उपत्यकामा मध्यपुर थिमि नगरपालिका पहिलो हो ।