मृत्यु भएको १० दिनपछि कोरोना पोजेटिभ, मलालीमा त्रास !

९ भदौ, धनगढी । कैलालीमा मृत्यु भएको १० दिनपछि कोरोना रिर्पोट आएको छ । साउन ३२ गते मृत्यु भएका बर्दगोरिया गाउँपालिका– ५ का ४९ वर्षीय पुरुषमा कोरोना संक्रमण पुष्टि भएको रिर्पोट मंगलबार आएको हो ।

कैलालीकै मोहन्याल गाउँपालिका–३ मा मृत्यु भएपछि उनको शव भदौ १ गते उनका आफन्तले घर ल्याएका थिए । उनको शव घर ल्याउने क्रममा बाटोमै संकलन गरिएको थियो ।

उनको अन्त्येष्टिमा १५० जना मलामी गएको स्थानीयको अनुमान छ । अहिले उनीहरुको खोजी भइरहेको छ । मृत्यु भएपछि कोरोना देखिएकामा मलामी गएका गाउँलेमा कोरोनाको त्रास बढेको छ ।