दीर्घायुमा मृत्यु भएकी बृद्धामा कोरोना संक्रमण पुष्टि

९ भदौ, काठमाडौं । उपचारका क्रममा मृत्यु भएकी चावहिलकी ७१ वर्षीया बृद्धामा कोरोना संक्रमण पुष्टि भएको छ । सोमबार चावहिलको दीर्घायु गुरु अस्पतालमा उपचारका क्रममा उनको मृत्यु भएको थियो ।

सोमबार नै स्वाब संकलन गरेर परीक्षण गर्दा मंगलबार पोजेटिभ रिर्पोट आएको हो । स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीका अनुसार मृत्यु भएको चौबिस घण्टापछि उनको रिर्पोट पोजेटिभ आएको हो ।

रिर्पोट पोजेटिभ आएपछि सेनाले शव व्यवस्थापनको तयारी थालेको छ ।