आक्रामक वृद्धि हुँदै शेयरबजार, कहाँ निर छ पहिलो र मुख्य प्रतिरोध ?

१० भदाै, काठमाडाैं । शुरुवाती समयमा आक्रामक रुपमा शेयरबजार वृद्धि नभएपनि १ बजे पश्चात भने शेयरबजार आक्रामक रुपमा वृद्धि भएको हुँदै बजारमा २१ अङ्कको वृद्धि देखिएको छ। आज नेप्से परिसूचक १ दशमवल ४६ प्रतिशतले वृद्धि भएको छ । १८६ कम्पनीको शेयर कारोवार हुँदा २ अर्ब ६५ करोडको शेयर कारोवार भएको छ । कारोवार रकम राम्रै रहेको छ ।

नेप्से परिसूचक २१ दशमलव १० अंकले वृद्धि हुँदै १४६२ दशमलव ०३ को विन्दुमा बन्द भएको छ । केही समयदेखि गरेको बिश्लेषण अनुसार बजार सकारात्मक रहेको र बजारले अब १४७५ को प्रतिरोधलाई सामना गर्नुपर्ने देखिन्छ । यदि बजार १४७५ भन्दा माथि स्थिर रहेमा बजार अझ सकारात्मक हुन सक्ने संकेत गर्नुका साथै अर्को मुख्य प्रतिरोध १५५० को क्षेत्रमा रहेको देखिन्छ ।

आज बजार १४४५ दशमलव १९ को विन्दुमा खुलेकोमा बजारले २ बजेर १६ मिनेटमा १४६८ दशमलव ०४ को उच्च विन्दु सम्म पुगेको थियो ।

आज नेपाल पुनर्बीमा कम्पनीको शेयर सर्वाधिक कारोवार भएको छ । नेपाल पुनर्बीमा कम्पनीको ३४ करोड ९३ लाख बराबरको शेयर खरिद बिक्री भएको छ ।

नेपाल फाइनान्स , नेपाल पुनर्बीमा कम्पनी, स्वाभिमान लघुवित्त, नेपाल इन्भेस्टमेन्ट बैंक सस्थापक शेयर र प्रभु बैंक सर्वाधिक कमाउने ५ कम्पनी हुन भने सर्वाधिक गुमाउने ५ कम्पनीमा सम्वृद्धि फाइनान्स, गुवेश्वोरी फाइनान्स, आँखुखोला जलविधुत कम्पनी, अरुण काबेली पावर र जोशी हाईड्रोपावर रहेका छन्।

✍ प्राविधिक बिश्लेषण :

प्रतिरोध २ः १५५० । प्रतिरोध १ः १४७५ । टेवा १ः १४३० । टेवा २ः १४१०

✍ आज कारोबारको पहिलो समयमा शेयर बजार प्रवृत्तिहिन रहे पनि पछिल्लो समयमा बजार बढ्दो प्रवृत्तिमा रहेको थियो। केही समयदेखि भन्दै आएको १४७५ को प्रतिरोध क्षेत्र नजिक बजार आएको छ। आज बजार १४६८ दशमलब ०४ बिन्दुसम्म पुगे पनि त्यसपछि केहि सच्चिएको छ। आजको मैनबत्तीले पनि “बुलिस” चित्र बनाएको छ।

✍ आजको परिमाणले बजारमा क्रेताको चाप रहेकोले यसले थप सकारात्मक संकेत दिएको छ।

✍ दैनिकी अवधिमा “आरएसआई” ६२ दशमलब २३ को बिन्दुमा छ। यसको प्रवृत्तिले बजार अझ बढ्न सक्ने जानकारी दिएको छ।

✍ “एडीएक्स” र जोड /बिजोड “डाइरेक्सनल इन्डेक्स”हरुले बजारमा क्रेताको चाप रहेको संकेत गरेको छ। “अन ब्यालेन्स भल्यूम” ले बजारमा क्रेताको चाप रहेको जानकारी दिएको छ।

✍ केही समयदेखि गरेको बिश्लेषण अनुसार बजार सकारात्मक रहेको र बजारले अब १४७५ को प्रतिरोधलाई सामना गर्नु पर्ने देखिन्छ। यदि बजार १४७५ भन्दा माथि स्थिर रहेमा बजार अझ सकारात्मक हुन सक्ने संकेत गर्नुका साथै अर्को मुख्य प्रतिरोध १५५० को क्षेत्रमा रहेको देखिन्छ। हाल बजारको तत्कालिन टेवा १४३० को क्षेत्रमा रहेको देखिन्छ।

नोट : निर्णय लिनु अघि थप अनुसन्धान गर्नु होला !