चक्कुले महिलाको कान नै काटेर सुन चोरी !

११ भदौ, पोखरा । कास्कीको माछापुच्छ्रे गाउँपालिका ६ सादीमा भदौ ३ गते राती १ बजे एकजना महिलाको कान नै काटेर सुन चोरी भएको छ । तीन जनाको समूहमा आएका व्यक्तिले ज्योति अधिकारीको कान चक्कुले काटेर सुन चोरेर लगेका हुन् ।

अधिकारीका अनुसार दुई जनाले मुख थुनेर समातेका थिए भने एकजनाले चक्कुले कान काटेका थिए । सुरुवातमा बाघले आक्रमण गरेको जस्तो लागेपनि पछि गहना झिकेपछि भने चोर भएको ठहर भएको अधिकारीले बताईन् । पछि नजिकै रहेका सोमनाथ अधिकारीले थाहा पाए ।

उनी ज्योतिको नजिकै आउँदा चोरहरुले सोमनाथलाई समेत कुटपिट गरेर गहना लिएर भागेका थिए । सुरुवातमा गहना मात्र लगेको भन्ने बुझे पनि पछि कानबाट रगत आउन थालेपछि भने कान नै काटेको पत्ता लागेको थियो । यस घटनाबारे जिल्ला प्रहरी कार्यलय कास्कीले अनुसन्धान गरिरहेको छ ।