धनुषामा मृत्यु भएका व्यक्तिमा कोरोना

११ भदौ, जनकपुर । धनुषामा मृत्यु भएका एक व्यक्तिमा कोरोना संक्रमण पुष्टि भएको छ। धनुषाको मुखियापट्टी मुसरनियाँ घर भएका ४५ वर्षीय पुरूषको बुधबार दिउँसो मृत्यु भएको थियो ।

ज्वरो, रुघाखोकी तथा श्वासप्रश्वासको समस्या भएर प्रादेशिक अस्पतालको इमर्जेन्सीमा भर्ना गरिएका उनको उपचारकै क्रममा मृत्यु भएको थियो । मृत्युपछि स्वाब परीक्षण गरिएकोमा आज पिसिआर पोजेटिभ रिर्पोट आएको अस्पतालले जनाएको छ ।

उनी क्षयरोग र मधुमेह रोगका ग्रसित थिए । यससँगै धनुषामा कोरोनाले मृत्यु हुनेको संख्या १२ पुगेको छ ।