सप्तरीमा पछिल्लो दुई दिनमा ३७ जन संक्रमित थपिए

◊ धीरुभाइ

११ भदौ, सप्तरी । सप्तरीमा दुई दिन यता थप ३७ जनामा कोरोना संक्रमण भेटिएको छ । राजविराज स्थित गजेन्द्रनारायण सिंह अस्पतालले बिहीबार र बुधबार सार्वजनिक गरेको रिपोर्ट अनुसार ३७ जनामा कोरोना संक्रमण भेटिएको हो । बिहीबार पाँच र बुधबार ३२ जनामा कारोना भेटिएको छ ।

बिहीबार राजविराज नगरपालिका ४ का २८ वर्षीया महिला, तिलाठी कोइलाडी गाउँपालिका ६ का ४६ वर्षीय पुरुष तथा वडा नं. ७ का ५६ र ६० वर्षीय पुरुष र ४५ वर्षीया महिलामा कोरोना संक्रमण भेटिएको स्वास्थ्य कार्यालय सप्तरीले जनाएको छ ।

यसैगरी बुधबार साँझ सार्वजनिक गरेको रिपोर्ट अनुसार राजविराज नगरपालिका ७ का ५७ र ४३ वर्षीय पुरुष, वडा नं. १ का ६० वर्षीया पुरुष, वडा नं. ४ का २२ वर्षीया महिला तथा २२, २९ र ७७ वर्षीय पुरुष, वडा नं. ६ का २३, ४१ र ५७ वर्षीया महिला तथा २३ र २५ वर्षीया पुरुषमा संक्रमण भेटिएको स्वास्थ्य कार्यालय सप्तरीका निमित्त प्रमुख दुनियाँलाल यादवले जानकारी दिए ।

अस्पतालले उक्त दुई दिनमा कुल २५१ जनाको रिपोर्ट सार्वजनिक गरेको थियो । यससँगै सप्तरीमा कोरोना संक्रमितको संख्या ७७४ पुगेको छ । जसमध्ये बिहीबार दिउँसोसम्म ५४४ जना उपचारपछि डिस्चार्ज भएका छन् भने पाँच जनाको मृत्यु भएको स्वास्थ्य कार्यालयले जनाएको छ ।

राजविराज स्थित साईकृष्ण मेडिकल कलेज भवनको आइसोलेसन केन्द्र, तिलाठि कोइलाडी गाउँपालिका २ स्थित आइसोलेसन केन्द्र र होम आइसोलेसन गरी जम्मा २२० जना उपचाररत रहेको निमित्त कार्यालय प्रमुख यादवले जानकारी दिए ।

यसअघि बुधबारै दिउँसो २० जनामा कोरोना संक्रमण पाइएको थियो । अस्पतालले सार्वजनिक गरेको रिपोर्ट अनुसार राजविराज नगरपालिका ४ का ३० वर्षीय पुरुष, हनुमाननगर कंकालिनी नगरपालिका १ का ५५, १५ र १४ वर्षीया महिला, ३५, २२, ६० र ४५ वर्षीय पुरुष, वडा नं. १० का १७, ५४, १६, ३०, ६६, ४३, ५५ र ३० वर्षीय पुरुष, वडा नं. १२ का ३१, ३१ र ३८ वर्षीय पुरुष तथा वडा नं. २ का २५ वर्षीयमा कोरोना संक्रमण पाइएको स्वास्थ्य कार्यालय सप्तरीले जनाएको छ । दिउँसो ९९ जनाको रिपोर्ट सार्वजनिक गरेको थियो । अन्य ७९ जनाको रिपोर्ट नेगेटिभ थियो ।