विराटनगरमा संक्रमित पुरुषको मृत्यु

११ भदौ, विराटनगर । धरानको विपी कोइराला स्वास्थ्य विज्ञान प्रतिष्ठानमा एक जनाको मृत्यु भएको छ । बिहीवार सिरहा नगरपालिका १ नम्बर वडाका ५५ वर्षीय पुरुषको उपचारका क्रममा मृत्यु भएको हो ।

भदौ ६ गते शनिवार उपचारका लागि अस्पतालमा भर्ना भएका ति व्यक्तिमा ७ गते कोरोना संक्रमण पुष्टि भएको थियो। कोरोना संक्रमण देखिएपछि उनलाई प्रतिष्ठानको कोभिड १९ अस्पतालमा भर्ना गरिएको थियो। दुई दिनदेखि आइसीयूमा उपचाररत उनको बिहीवार साँझ मृत्यु भएको हो ।

अस्पतालका प्रवक्ता डा सापकोटाका अनुसार ती व्यक्तिमा अस्पताल आउनुभन्दा तीन दिन अघिदेखि नै अत्यधिक खोकी, श्वासप्रश्वासमा समस्या र ज्वरो थियो। त्यस्तै, उच्च रक्तचाप र करिब २० वर्ष अगाडि ती व्यक्तिले क्षयरोगको १८ महिना औषधि सेवन गरेका थिए। यससँगै प्रतिष्ठानमा कोरोनाले ज्यान गुमाउनेको संख्या १३ पुगेको छ ।