अर्बपति विनोद चौधरीलाई कोरोना पुष्टि

१२ भदौ, काठमाडौं । नेपालका अर्बपति विनोद चौधरीमा कोरोना संक्रमण पुष्टि भएको छ । उनले शुक्रबार आफ्नो ट्विटरमार्फत आफूमा कोरोना संक्रमण पुष्टि भएको बताएका हुन् ।

कोरोनाको आशंका परीक्षण गर्दा रिर्पोट पोजेटिभ आएको चौधरीले ट्वीटरमार्फत बताएका छन् । तर अहिलेसम्म कुनै लक्षण नदेखिएको पनि उनले बताएका छन् । डाक्टरको सुझावअनुसार आफू आइसोलेसनमा बसेको पनि उनको भनाई छ ।

साथै उनले आफूसँग सम्पर्कमा रहेका अरुलाई सुरक्षित, सतर्क र परीक्षण गराउन आग्रह गरेका छन् । चौधरी ग्रुपका अध्यक्ष तथा नेपाली कांग्रेसबाट समानुपातिक सांसद समेत रहेका उद्योगपति चौधरी फोब्र्सको विश्वका अर्बपतिको सुचीमा सुचीकृत व्यवसायी पनि हुन् ।