काठमाडौं उपत्यकामा ४१५ जना संक्रमित

१२ भदौ, काठमाडौं । कोरोना संक्रमण भयावह हुदै गएका बेला काठमाडौं उपत्यकामा अहिलेसम्मकै धेरै संक्रमित भेटिएका छन् । पछिल्लो चौबिस घण्टामा ४१५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

संक्रमितमध्येमा काठमाडौं जिल्लाका ३५०, भक्तपुरमा ५४ र ललितपुरमा ११ जना छन् । नेपालभरी भने शुक्रबार ९ सय २७ जनामा संक्रमण पुष्टि भएको छ । यस्तै पछिल्लो २४ घण्टामा कोरोना संक्रमण निको भई १६९ जना डिस्चार्ज भएका छन् ।

शुक्रबारसम्म निको हुनेको संख्या २० हजार २४२ जना रहेको छ । हाल १६ हजार १९ जना आइसोलेसनमा छन् ।