एकैदिन कोरोनाले १२ जनाको मृत्यु

१२ भदौ, काठमाडौं । कोरोना भाइरसको संक्रमणबाट पछिल्लो २४ घन्टामा नेपालमा थप १२ जनाको मृत्यु भएको छ । मृत्यु हुनेमा ४ महिला र ८ पुरुष छन् । स्वास्थ्य तथा जनसंख्या मन्त्रालयका अनुसार मोरङका ५६ वर्षीया र ६५ वर्षीया, भक्तपुरकी ६३ वर्षीया र मकवानुपरकी ७१ वर्षीया महिलाको मृत्यु भएको छ ।

यस्तै उदयपुरका ५२ वर्षीय, पर्साका ७२ वर्षीय, धनुषाका ४५ वर्षीय, सिरहाका ५५ वर्षीय, झापाका ८३ वर्षीय, चितवनका ५१ वर्षीय, कास्कीका ५२ वर्षीय र रुपन्देहीका ६० वर्षीया पुरुषको पनि कोरोनाले मृत्यु भएको छ । यससँगै नेपालमा नेपालमा कोरोनाबाट मृत्यु हुनेको संख्या १९५ पुगेको छ ।

पछिल्लो दुई हप्तामा मात्रै कोरोनाबाट मृत्यु हुनेको संख्या १०० नजिक पुगेको छ । कोरोना संक्रमित र मृत्तकको संख्या बढेपछि सरकारले देशका धेरैजसो जिल्लामा निषेधाज्ञा जारी गरेको छ।