कोरोना संक्रमित महिलाले जुम्ल्याहा बच्चा जन्माइन्

१२, भदौ, चितवन । चितवनको भरतपुर अस्पतालमा कोरोना संक्रमित महिलाले जुम्ल्याहा बच्चा जन्माएकी छिन् । भरतपुर अस्पतालमा उनले शल्यक्रियाबाट जुम्ल्याहा बच्चा जन्माएकी हुन् ।

गोरखाको गोरखा नगरपालिका–१० छेवेटारकी ३७ बर्षकी गर्भवती महिलामा भदौ १० गते कोरोना संक्रमण पुष्टि भएको थियो । उनी भदौ ८ गते अस्पताल भर्ना भएकी थिइन् । आमाको संक्रमण बच्चालाई नसरोस् भनेर अलग्गै राखिएको छ । आमा र बच्चा दुवैको स्वास्थ्य अवस्था राम्रो छ ।

आमाको कोरोना रिपोर्ट नेगेटिभ नआउँदासम्म आमा र बच्चालाई अलग्गै राखिने चिकित्सकहरुले बताएका छन् । भरतपुर अस्पतालमा कोरोना संक्रमित महिलाको अप्रेसन गरिएको यो दोस्रोपटक हो ।