चितवनमा हेटौंडाकी संक्रमित महिलाको मृत्यु

१३ भदौ, चितवन । चितवन मेडिकल कलेजमा संक्रमित एक जना महिलाको मृत्यु भएको छ । हेटौंडा उपमहानगरपालिका–५ की ४९ वर्षीया महिलाको आज विहान मृत्यु भएको हो ।

उनी मिर्गौला रोगबाट पीडित थिइन् । डायलाइसिस गर्नका लागि ती महिलालाई साउन २७ गते चितवन मेडिकल कलेज ल्याइएको थियो । उनको तीन पटकसम्म डायलाइसिस गरिएको अस्पतालले जनाएको छ । सोही क्रममा कोरोना परीक्षण गर्दा संक्रमण पुष्टि भएपछि उपचारकै क्रममा मृत्यु भएको छ ।