पाटन अस्पतालमा दुई संक्रमित महिलाको मृत्यु

१३ भदौ, काठमाडौं । ललितपुरको पाटन अस्पतालमा उपचाररत दुई कोरोना संक्रमित महिलाको मृत्यु भएको छ ।

भक्तपुरकी ६२ वर्षीया महिलाको शनिबार विहान र काठमाडौंकी ५१ वर्षीया महिलाको गएराति मृत्यु भएको स्वास्थ्य कार्यालय ललितपुरले जनाएको छ । भक्तपुरकी महिलाको यही भदौ ८ गतेदेखि पाटन अस्पतालमा उपचाररत थिइन् । उनको शनिबार बिहान मृत्यु भएको हो ।

यसैगरी शुक्रबार राति काठमाडौंकी ५१ वर्षीया महिलाको गत साउन ३० गतेदेखि पाटन अस्पतालमा उपचार हुँदै आएको थियो । उनको शुक्रबार राति १० बजेको मृत्यु भएको स्वास्थ्य कार्यालय ललितपुरले जनाएको छ ।