थपिए ८८४ संक्रमित, उपत्यकामा १८६ !

१३ भदौ, काठमाडौं । नेपालमा ८ सय ८४ जना नयाँ कोरोना संक्रमित थपिएका छन् । पछिल्लो २४ घण्टामा विभिन्न प्रयोगशालामा ११ हजार ५१६ जनाको नमुना परीक्षण गर्दा २४२ महिला र ६५२ पुरुष गरी ८ सय ८४ जनामा कोरोना संक्रमण देखिएको हो ।

शनिबार काठमाडौं उपत्यकामा मात्रै १८६ जनामा संक्रमण पुष्टि भएको छ । संक्रमितमध्ये काठमाडौंका १५५ जना, ललितपुरका १९ जना र भक्तपुरका १२ जना छन् ।

यस्तै सर्लाहीका ८३ जना, पर्साका ७३, चितवनका ५७, धनुषाका ४९, मोरङका ३१, लमजुङका २९, महोत्तरी र बझाङका २६/२६ जना, सुसनरीका २४, नवलपुरका २३, सिराहाका २२, बारा र बैतडीका २१/२१ जना, झापा र बाँकेका २०/२० जना, धनकुटा, काभ्रे, दाङ र कैलालीका १९/१९ जना, कञ्चनपुरका १७, रुकुम पूर्वका १६, नवलपरासी र सुर्खेत १० जना तथा धादिङ र मकवानपुरका ९/९ जनामा कोरोना संक्रमण पुष्टि भएको छ ।

रौतहटका ५ जना, संखुवासभा, कास्की र दार्चुलाका ३/३ जना, सप्तरी र कपिलवस्तुका २/२ जना तथा इलाम, दोलखा, सिन्धुपाल्चोक, गुल्मी, जाजरकोट, जुम्ला, दैलेख, रुकुम पश्चिमका १/१ जनामा संक्रमण देखिएको मन्त्रालयले जनाएको छ । पछिल्लो समय संक्रमण थपिदै गएपछि सरकारले आवतजावतमा कडाई गरेको छ ।