एकैदिन कोरोनाले २० संक्रमितको मृत्यु

१३ भदौ, काठमाडौं । नेपालमा कोरोना भाइरसको संक्रमण भयावह हुदै गएको छ । साथै मृत्तकको संख्या पनि दिनप्रतिदिन बढ्दै गएको छ । शनिबार मात्रै नेपालभर कोरोनाका कारण २० जनाको मृत्यु भएको पुष्टि भएको छ ।

यसरी ज्यान गुमाउनेमा पर्सा र महोत्तरीका तीन तीन जना, काठमाडौं, भक्तपुर र ललितपुरका दुई दुई जना, सिराहा, पाल्पा, कास्की, गोरखा, बारा, मोरङ, रौतहट र नवलपुरका एक एक जना रहेको स्वास्थ्य तथा जनसंख्या मन्त्रालयले जनाएको छ ।

कोरोनाका कारण काठमाडौंकी ५१ वर्षीया महिलाको पाटन अस्पतालमा उपचारका क्रममा मृत्यु भएको छ । यस्तै बसुन्धरा, काठमाडौंका ८३ वर्षीय पुरुषको सशस्त्र प्रहरी अस्पताल, बलम्बुमा मृत्यु भएको छ ।

भक्तपुरकी ६२ वर्षीया कोरोना संक्रमित महिलाको पाटन अस्पतालमा शनिबार मृत्यु भएको छ । शुक्रबार भक्तपुर अस्पतालमा मृत्यु भएका भक्तपुर(३ भक्तपुरका ८२ वर्षीय पुरुषमा संक्रमण पुष्टि भएको छ ।

बिहीबार मृत्यु भएका ललितपुर(३२ धापाखेल, ललितपुरका ७२ वर्षीय पुरुषमा कोरोना संक्रमण पुष्टि भएको छ । ललितपुरका ६१ वर्षीय पुरुषको काठमाडौं मेडिकल कलेज, सिनामंगलमा मृत्यु भएको छ ।

सिराहाका ८४ वर्षीय पुरुषको वीपी कोइराला स्वास्थ्य विज्ञान प्रतिष्ठानमा मृत्यु भएको छ । पाल्पाकी ३० वर्षीय महिलाको लुम्बिनी मेडिकल कलेजमा मृत्यु भएको छ ।

कास्कीका ५८ वर्षीय पुरुषको पोखरा स्वास्थ्य विज्ञान प्रतिष्ठानमा मृत्यु भएको छ । पर्साका ४८ वर्षीय पुरुषको वीरगञ्ज हेल्थकेयर अस्पतालमा मृत्यु भएको छ ।

पर्साका ३९ वर्षीय पुरुषको काठमाडौं ल्याउने क्रममा बाटैमा मृत्यु भएको छ । पर्साकै ६५ वर्षीया महिलाको नारायणी अस्पतालमा मृत्यु भएको छ ।

गोरखाका ३८ वर्षीय पुरुषको भरतपुर अस्पताल, चितवनमा शुक्रबार मृत्यु भएको छ । महोत्तरीकी ६२ वर्षीया महिलाको शनिबार दिउँसो १ः३० बजे पाटन अस्पतालमा मृत्यु भएको छ ।

महोत्तरीका ७० बर्षीय पुरुषको मृत्युपछि कोरोना संक्रमण पुष्टि भएको छ । निजगढ, बाराकी ४७ वर्षीया महिलाको चितवन मेडिकल कलेजमा मृत्यु भएको छ ।

शनिबार न्यूरो अस्पताल, बिराटनगरमा मृत्यु भएका मोरङका ६१ वर्षीय पुरुषमा कोरोना संक्रमण पुष्टि भएको छ । , रौतहटका ३० वर्षीय पुरुषको अस्थायी कोभिड अस्पताल वीरगञ्ज हेल्थकेयरमा वीरगञ्जमा मृत्यु भएको छ ।

नवलपुरका ६२ वर्षीय पुरुषको चितवन मेडिकल कलेजमा शनिबार साँझ मृत्यु भएको छ । नेपालमा एकैदिन कोरोनाका कारण २० जनाको मृत्यु भएको यो पहिलो घटना हो ।