बुटवलमा संक्रमित पुरुषको मृत्यु

१४ भदौ, बुटवल । रुपन्देहीको बुटवलमा थप एकजना संक्रमितको मृत्यु भएको छ । लुम्बिनी प्रादेशिक अस्पतालमा भर्ना भएका बुटवल उपमहानगरपालिका ५ का ६७ वर्षीय पुरुषको मृत्यु भएको हो ।

उनको उपचारका क्रममा आइतबार दिउँसो मृत्यु भएको अस्पतालले जनाएको छ । श्वासप्रश्वासमा समस्या हुनुका साथै ज्वरो आएपछि उनी आइतबार बिहान साढे ४ बजे अस्पताल भर्ना भएका थिए । उनी मुटु रोग, मधुमेह र प्रेसरको समस्याबाट पीडित थिए ।