कैलालीमा किशोरीमाथि सामुहिक बलात्कार, ४ जना पक्राउ

१४ भदौ, धनगढी । कैलालीमा फेरि किशोरीमाथि सामुहिक बलात्कार भएको छ । कैलालीकाे जानकी गाउँपालिका–९ खैरीफाँटाकी १७ वर्षीय किशोरीमाथि सामूहिक बलात्कार भएको हो ।

बलात्कार गर्ने चारजनालाई प्रहरीले पक्राउ गरेको छ । पक्राउ पर्नेमा जानकी–९ खैरीफाँटाका दीपक कडारा, लोकेश रावत, शंकर विश्वकर्मा र कुमार कडारा रहेका छन् ।

इलाका प्रहरी कार्यालय टीकापुरका प्रहरी नायव उपरीक्षक मधुसुदन न्यौपानेका अनुसार पीडित युवतीले दिएको किटानी जाहेरीका आधारमा उनीहरुलाई आइतबार पक्राउ गरेको बताएका छन् ।