चितवनमा संक्रमित ५२ बर्षीय पुरुषको मृत्यु

१४ भदौ, चितवन । चितवन मेडिकल कलेज भरतपुरमा एक संक्रमितको मृत्यु भएको छ । भरतपुर महानगरपालिका वडा नं. १० निवासी ५२ वर्षका पुरुषको उपचारको क्रममा आइतबार दिउँसो मृत्यु भएको हो ।

निमोनियाका बिरामी उनी भदौ ४ गते अस्पतालमा भर्ना भएका थिए । ७ गते कोरोना संक्रमण पुष्टि भएपछि उपचार शुरु गरिएको थियो । तर उपचारकै क्रममा उनको मृत्यु भयो ।

अस्पतालमा अहिले ५ जना कोरोना स‌ंक्रमित भेन्टिलेटरमा उपचाररत छन् । यससँगै चितवनमा कोरोनाले ११ जनाको मृत्यु भएको छ ।