अब ४ हजार ४०० रुपैयाँमै कोरोना परीक्षण

१४ भदौ, काठमाडौं । अब ४ हजार ४ सय रुपैयाँमै कोरोना परीक्षण गर्न पाइने भएको छ । स्वास्थ्य तथा जनसंख्या मन्त्रालयले कोरोना प्रयोगशाला परीक्षणको शुल्क घटाएको हो ।

मन्त्रालयका सहायक प्रवक्ता समीरकुमार अधिकारीका अनुसार सरकारले झण्डै हजार रुपैयाँ शुल्क घटाएको हो । यसअघि ५ हजार ५ सय रुपैयाँ तोकिएको थियो ।

यस्तै सरकारले गर्ने निःशुल्क कोरोना परीक्षणका लागि नयाँ मापदण्ड तोक्ने तयारी मन्त्रालयको छ । अब संक्रमितको सम्पर्कमा आएका, लक्षण देखिएका र अग्रभागमा काम गर्नेहरुको मात्र निःशुल्क परीक्षण गर्ने योजना छ ।