केन्द्रीय कारागारका ३५ कैदीलाई कोरोना संक्रमण पुष्टि

१४ भदौ, काठमाडौं । केन्द्रीय कारागार, सुन्धाराका ३५ कैदीलाई कोरोना पुष्टि भएको छ । योसँगै केन्द्रीय कारागारमा कोरोना संक्रमित कैदीबन्दीको संख्या ५० पुगेको छ ।

कारागार प्रशासनका अनुसार कारागारभित्र रहेको अस्पतालमा उपचाररत एकजनालाई कोरोना देखिएपछि १७५ जना कैदीबन्दीको स्वाब लिएर परीक्षणका लागि पठाइएको थियो । जसमध्ये अहिलेसम्म ५० जनामा संक्रमण देखिएको हो ।

कारागारको तीन वटै ब्लकमा रहेको कैदीबन्दीमा संक्रमण देखिएपछि जोखिम थप बढेको छ । आइतबार थपिएका मध्ये लक्षण भएकालाई अस्पताल र नभएकालाई आइसोलेसनमा पठाउने तयारी गरिएको छ ।