वीरगञ्जमा थप ४१ जनालाई संक्रमण पुष्टि

१५ भदौ, वीरगञ्ज । पर्साको वीरगञ्जमा थप ४१ जनामा कोरोना संक्रमण पुष्टि भएको छ । नारायणी अस्पतालको पीसीआर प्रयोगशालामा गरिएको परीक्षणमा ६ वर्षदेखि ७० वर्ष उमेर समूहका ४१ जनामा संक्रमण पुष्टि भएको हो ।

संक्रमित हुनेमा पर्साका ३२ जना, बाराका ४ जना र सर्लाहीका १ जना छन् । एक पुरुषको ठेगाना उल्लेख छैन् । पर्साको ३२ जनामध्ये २१ जना वीरगञ्ज महानगरपालिकाका, ९ जना कालिकामाईका र २ जना जिराभवानीका हुन् ।

जिल्ला प्रशासन कार्यालय पर्साले आइतबार साँझ सार्वजनिक गरेको रिपोर्ट अनुसार हालसम्म ४ सय ८२ जना महिलासहित २ हजार १ सय ६० जनामा कोरोना संक्रमण देखिएको छ । जसमध्ये ६ सय ८४ जना कोरोनामुक्त भई घर फर्किएका छन् भने ३६ जनाको कोरोना संक्रमणबाट मृत्यु भएको छ ।