बामदेवको इच्छाले अर्थमन्त्रीको जागिर संकटमा
इन्द्र रिजाल
भदौ १६, २०७७ मंगलबार १५:३७:५५
१६ भदौ, काठमाडौं । अर्थमन्त्री डा. युवराज खतिवडालाई निरन्तरता दिन प्रधानमन्त्रीसमेत रहेका नेकपा अध्यक्ष केपी ओली सक्रिय हुनेवित्तिकै पार्टीभित्र चलखेल बढेको देखिन्छ । डा. खतिवडालाई अर्थमन्त्रीबाट बिदा गर्न पार्टी भित्र र बाहिरबाटै ठूलो चलखेल भएको बुझाई बालुवाटारको छ । त्यसैले असान्दर्भिक भइसकेको बामदेव गौतमको भूत फेरि जगाइएको हो– स्रोत भन्छ ।
गत साता ओलीले अर्का अध्यक्ष पुष्पकमल दाहाल ‘प्रचण्ड’लाई यसबारे सहमत गराइसकेका थिए । दुवै अध्यक्षबीच गौतमले राष्ट्रियसभामा नजाने भनेको र प्रतिनिधिसभामा उपयुक्त समयमा लड्ने मनस्थिति बनाएकाले डा. खतिवडालाई नै रिक्त राष्ट्रियसभा सदस्यमा सिफारिश गर्ने सहमति भईसकेकोमा एकाएक नयाँ फण्डा झिकिएको आरोप लगाइएको छ । बरु प्रचण्डले भने अनुसार नै नेपाल विद्युत प्राधिकरणमा कुलमान घिसिङलाई पुनर्नियुक्ति गर्ने तयारी ओलीले गरेका थिए । तर एकाएक हिजो बिहान बामदेवले आफू राष्ट्रियसभामा जान तयार रहेको जानकारी प्रधानमन्त्रीलाई दिनुका पछाडि ठूलो षडयन्त्र रहेको ठम्याई बालुवाटारको रहेको छ ।
भोलि बस्ने सचिवालय बैठकले यसबारे टुंगो लगाउने छ । तर ओलीलाई भने अब डा. खतिवडालाई ल्याउन ठूलै सकस हुने देखिन्छ । पार्टी महासचिव विष्णु पौडेल नेतृत्वको कार्यदलले दिएको प्रतिवेदनको स्वामित्व लिने गरी भोलिका लागि डाँकिएको सचिवालय बैठकको अजेण्डा नै बदलिएको छ । यसले त पार्टी एकतामा देखापरेको सकारात्मक अवधारणालाई नै खण्डित गर्ने सम्भावना रहेको पनि बालुवाटारको बुझाई रहेको छ । मिल्ने चरणमा पुगेको विवादमा घीउ थप्ने काम भएको छ, यसलाई सही ढंगले व्यवस्थापन गरिएन भने पार्टी एकता नै धरापमा पर्ने अवस्था छ– बालुवाटार निकट स्रोतको भनाई छ ।
नेकपालाई क्षतविक्षत बनाउन देशी विदेशी शत्रु सक्रिय रहेको स्पष्ट गर्न पनि पछिल्लो प्रकरणले सघाउ पुगेको स्रोत दावा गर्छ । गएको फागुन १४ गते सचिवालय बैठकले गौतमलाई राष्ट्रियसभाको रिक्त सदस्यमा सिफारिश गर्न ओलीलाई निर्देशन दिएको थियो । तर ओलीले आफूविरुद्ध मोर्चाबन्दी गरिएको भन्दै तीब्र असन्तुष्टी व्यक्त गर्दै उक्त निर्णय कार्यान्वयन नगर्ने बताउँदै आएका थिए । त्यसपछि वैशाख २० गते बसेको सचिवालय बैठकले गौतमलाई प्रतिनिधिसभामा लगेर प्रधानमन्त्री बनाउने प्रस्ताव ओलीले राखेका थिए । नयाँ प्रस्ताव आइसकेपछि पुरानो प्रस्ताव औचित्यहिन भइसकेको अवस्थामा फेरि भाँडभैलो गर्न खोजिएको छ– स्रोतको गुनासो छ ।
बामदेव काम्रेड स्वयंले आफू राष्ट्रियसभामा नजाने घोषणा गरिसकेको अवस्थामा कस्को दबाबमा फेरि जाने कुरा आएको हो ? भन्दै स्रोतले यसले समग्रमा मिल्न लागेको पार्टी भित्रको रडाको फेरि चर्कने संकेत गरेको छ । यस्तै हो भने प्रधानमन्त्रीले आफ्नो अधिकार प्रयोग गर्नुपर्ने हुन सक्छ भन्दै जस्तोसुकै परिस्थितिको सामना गर्न ओली तयार रहेको बताए । च्याप्टर नै क्लोज भइसकेको मुद्धा कसको चाहना र इशारामा व्यूँताउन खोजिएको हो ? उनले प्रश्न गरे । उपनिर्वाचनमार्फत प्रतिनिधिसभामा लैजाने निर्णय भइसकेपछि पुरानो निर्णय औचित्यहिन भएको उनको तर्क छ ।
गौतमले पनि अब नयाँ शीराबाट अगाडि बढ्ने संकेत गर्दै राष्ट्रियसभामा नजाने नै बताउँदै आएका थिए । तर हिजो अचानक ओलीलाई भेटेर आफू राष्ट्रियसभामा जाने मात्र नभई उपप्रधानमन्त्रीसमेत हुन इच्छुक रहेको जानकारी दिए । त्यो पनि अर्थमन्त्रालयकै जिम्मेवारी उनले दावी गरेपछि ओलीले यसलाई ठूलै षडयन्त्रको रुपमा बुझेका छन् । पहिला पनि अर्थमन्त्रीलाई हटाउन चलखेल भएकै हो, फेरि त्यसैको पुनरावृत्त भएको छ– ओलीले निकटहरुसँग भन्ने गरेका छन् ।
तर ओलीले नचाहेसम्म गौतम न त राष्ट्रियसभामा नै पुग्नेछन्, न सरकारमा सहभागी हुनेछन् । त्यसैले यो सन्दर्भमा ओलीमाथि ठूलै दबाब छ । कदाचित बामदेवलाई राष्ट्रियसभामा लैजानै परे मन्त्री भने नबनाउने पक्षमा ओली पुगेका छन् । बरु बामदेवजीकी श्रीमती तुलसा थापालाई मन्त्री बनाउने तर गौतमलाई भने नलैजाने पक्षमा ओली रहेको पनि निकट स्रोतको दावी छ ।
बामदेवले राष्ट्रियसभामा दावी गरेपछि प्रचण्ड र माधव नेपाल समूह उत्साही देखिएको छ । भोलिको सचिवालय बैठकले पहिला बामदेवबारे टुंगो लगाउने अनि मात्र अरु अजेण्डामा प्रवेश गर्ने कुरा वरिष्ठ नेता झलनाथ खनालले सार्वजनिक गरिसकेका छन् । बामदेवजीलाई राष्ट्रियसभामा लैजाने निर्णय भइसकेको छ भन्दै उनले त्यसलाई निस्तेज गर्ने अर्काे निर्णय नभएसम्म त्यसैको बैधानिकता रहने तर्क गरेका छन् ।
यो प्रस्ताव फेरि पास गर्नु पर्दैन भन्दै नेता खनालले दोहो¥याएरै गर्नुपर्ने भए त्यो पनि हुने जानकारी दिए । बामदेवबारे निर्णय गर्नुप¥यो भने सचिवालयमा वहुमत सदस्य पक्षमा उभिने अवस्था छ । प्रचण्ड, झलनाथ, माधव र नारायणकाजी श्रेष्ठ एकढिक्का छन् । आफ्नैबारे निर्णय गर्दा बामदेव समेत त्यही कित्तामा उभिने छन् । यस्तो अवस्थामा ओली अल्पमतमा पर्ने छन् ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपडीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
बालमन्दिर जग्गा हिनामिना आरोपीलाई पक्राउ नगर्न दबाब, अधिकांश भारततर्फ फरार
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
करेन्ट लगाएर माछा मर्ने क्रममा एकको मृत्यु
जेठ ६, २०८१ आइतबार
नेप्सेमा उच्च अङ्कको वृद्धि, सवा पाँच अर्ब बराबरको कारोबार
जेठ ६, २०८१ आइतबार
टीओआरमा सहमति जुटेन, सकियो कार्यदलको बैठक
जेठ ६, २०८१ आइतबार
सिटिजन्स बैंकका सबै कार्डहरू अति सुरक्षित छन्, ढुक्कले चलाउनु भए हुन्छ
जेठ ६, २०८१ आइतबार
नेविसंघले माग्यो गृहमन्त्री लामिछानेको राजीनामा
जेठ ६, २०८१ आइतबार