११२० संक्रमित, १११२ डिस्चार्ज, १२ जनाको मृत्यु

१७ भदौ, काठमाडौं । नेपालमा थप १ हजार १ सय २० जनालाई कोरोना भाइरसको संक्रमण पुष्टि भएको छ । पछिल्लो चौबिस घण्टामा ३२० महिला र ८०० पुरुष गरी ११ सय २० जनालाई कोरोना संक्रमण पुष्टि भएको हो ।

यससँगै कुल संक्रमितको संख्या ४१ हजार ६४९ पुगेको छ । पछिल्लो चौबिस घण्टामा ११ सय १२ जना डिस्चार्ज भएका छन् । यससँगै कोरोना जितेर घर फर्किनेको संख्या २३ हजार २ सय ९० पुगेको छ ।

बुधबार मात्रै १२ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा विभिन्न ठाउँमा गरी १२ जनाको मृत्यु भएको मन्त्रालये जनाएको हो ।