प्रधानसेनापतिबाट उपरथी राणालाई दर्ज्यानी चिह्न प्रदान

१७ भदौ, काठमाडौं । प्रधानसेनापति पूर्णचन्द्र थापाले सहायकरथीबाट हालै बढुवा भएका विनयविक्रम राणालाई उपरथी दर्जाको दज्र्यानी चिह्न प्रदान गरेका छन ।

सैनिक मुख्यालय जङ्गी अड्डामा आज आयोजित समारोहमा प्रधानसेनापति थापाले उनलाई उपरथी दर्जाको दर्ज्यानी लगाई दिए ।

सरकारले राणालाई पश्चिम पृतनापतिको जिम्मेवारी दिएको सैनिक जनसम्पर्क तथा सूचना निर्देशनालयले जनाएको छ । हालका पश्चिम पृतनापति गोकुल भण्डारीको हालै सैनिक मुख्यालयमा सरुवा भएको छ ।