धरानमा सप्तरीका २ संक्रमितको मृत्यु

१८ भदौ, विराटनगर । धरानमा सप्तरीका दुई जना संक्रमितको मृत्यु भएको छ । बीपी कोइराला स्वास्थ्य विज्ञान प्रतिष्ठान धरानमा उपचार गराईरहेका दुई जना संक्रमितको ज्यान गएको अस्पतालले जनाएको छ ।

सप्तरीको राजविराज नगरपालिका– ७ का ५० बर्षीय र ५५ बर्षीय दुई पुरुषको मृत्यु भएको हो । ५५ वर्षीय पुरुष ७ भदौमा प्रतिष्ठानमा भर्ना भएका थिए । उनमा मधुमेह र उच्च रक्तचापको समस्या थियो ।

अर्का ५० वर्षीय पुरुषलाई बिहीबार दिउँसो ल्याइएको थियो । बिहीबार दिउँसो भर्ना भएका ५० वर्षीय पुरुषको २ बजे मृत्यु भएको हो । उनमा श्वासप्रश्वासमा समस्या र ज्वरो देखिएको थियो ।