बृद्धको हत्या गरेपछि टाउको झोलामा हालेर प्रहरी कार्यालय पुगे राजु

१९ भदौ, काठमाडौं । एक युवाले बृद्धको हत्या गरेर टाउको झोलामा बोकेर प्रहरी कार्यालय पुगेका छन् । धादिङका २६ बर्षीय युवा राजु परियारले ६५ बर्षीय सोमबहादुर गुरुङको खुर्पाले घाटी काटेर टाउको झोलामा पुगेर जिल्ला प्रहरी कार्यालय धादिङ पुगेका हुन् ।

बिहीबार राति करिब साढे १० बजे निलकण्ठ नगरपालिका १३ खलचेत भन्ने ठाँउमा हत्या भएको हो । हत्या गरेपछि राति १ बजे झोलामा टाउको र हत्यामा प्रयोग भएको खुर्पा लिएर परियार प्रहरी कार्यालय पुगेका हुन् ।

युवाले आवेगमा आएर बृद्धको हत्या गरेको प्रहरीको भनाई छ । यसबारे थप अनुसन्धान भइरहेको पनि प्रहरीले जनाएको छ ।