ड्युटीमा बेहोस प्रहरी जवानको मृत्यु

२० भदौ, महेन्द्रनगर । कञ्चनपुरमा ड्युटीमा खटिएका एक प्रहरीको मृत्यु भएको छ । दंगा नियन्त्रण प्रहरी गणमा कार्यरत डडेल्धुरा अजयमेरु गाउँपालिका वडा नम्वर २ घर भएका प्रहरी जवान सुरेन्द्र कुमार ऐरको मृत्यु भएको हो।

गएराति १२ बजेतिर ५ नम्वर पोष्टमा ड्युटीमा खटिएको अवस्था ती जवान बेहोस भएका थिए। बेहोस भएका उनलाई सेती प्रादेशिक अस्पताल लगिएपनि बचाउन नसकिएको प्रहरीको भनाई छ । कोरोनाको आशंकामा उनको स्वाब संकलन गरेर परीक्षणका लागि पठाइएको छ ।