लागुऔषध खुवाएर ५ दिनसम्म किशोरीमाथि सामूहिक बलात्कार

२३ भदौ, महेन्द्रनगरमा । कञ्चनपुरमा १६ बर्षकी किशोरीमाथि सामुहिक बलात्कार भएको छ । ५ दिनसम्म बन्धक बनाएर किशोरीमाथि सामूहिक बलात्कार भएको हो ।

बेल्डाडी गाउँपालिकामा ५ मा मामा घर बस्दै आएकी किशोरीमाथि बलात्कार भएको उजुरी प्रहरीमा पुगेको हो । भदौ १४ गते देखि बेपत्ता भएकी थिइन् । उनका मामाले भाञ्जी हराएको भन्दै प्रहरीलाई उजुरी दिएका थिए । किशोरीलाई भदौ १९ गते १२ आरा मिल नजिक प्रहरीले फेला पारेको थियो । त्यसपछि प्रहरीले किशोरीलाई मामाको जिम्मा लगाए ।

तर, घटनाको केही दिनपछि किशोरीले आफूमाथि सामूहिक बलात्कार भएको भन्दै प्रहरीमा उजुरी दिएकी छन् । ५ दिनसम्म लागू औषध खुवाएर बन्धक बनाएर ४ जना युवाले बलात्कार गरेको उनले उजुरी दिएकी हुन् । घटनाबारे थप अनुसन्धान भइरहेको प्रहरीले जनाएको छ ।