पोखरामा कोरोना संक्रमित वृद्धाको मृत्यु

२३ भदौ, पोखरा । कास्कीको पोखरमा कोरोनाबाट थप एक वृद्धाको मृत्यु भएको छ । पोखरा स्वास्थ्य विज्ञान प्रतिष्ठानस्थित कोभिड उपचार केन्द्रको आईसीयुमा उपचारत पोखरा १० की ७३ वर्षीया वृद्धाको मृत्यु भएको हो ।

स्वास्थ्य समस्या देखिएपछि उनको पोखराकै मेडिप्लस अस्पतालमा उपचार भइरहेको थियो । कोरोना संक्रमणको आशंकामा उनको स्वाब लिइएको र रिपोर्ट पोजेटिभ आएपछि सोमबारै उनलाई प्रतिष्ठानको कोभिड उपचार केन्द्रमा सारिएको थियो । यससँगै प्रतिष्ठानमा कोरोना संक्रमणबाट मृत्यु हुनेहरुको संख्या ९ पुगेको छ ।