काठमाडौंमा टुटल पठाओको सेवा शुरु

२५ भदौ, काठमाडौं । उपत्यकामा सार्वजनिक यातायात खुलेसँगै टुटल र पठाओले पनि सेवा शुरु गरेका छन् । सरकारले जोर विजोरको आधारमा निजी मोटरसाइकललाई चल्न दिने भएपछि टुटल र पठाओले सेवा शुरु गरेका हुन् ।

टुटल र पठाओले सेवा दिंदा स्वास्थ्य प्रोटोकललाई आधार मानेर सेवा दिइरहेको बताएका छन् । लामो समयदेखि राइडरहरु बेरोजगार भएकोले उनीहरुबाट कुनै प्रकारको कमिसन नलिइने पनि टुटल पठाओ सञ्चालकहरुको भनाई छ ।

आजैबाट पठाओको माटेरसाइकलसँगै ट्याक्सी सेवा पनि शुरु भएको छ । तर, पठाओमा सिमित राइडरले मात्र राइड सेयरको अनुमती पाउने छन्। स्वास्थ्य सुरक्षालाई ध्यानमा राखेर सबैलाई राइड सेयरको अनुमती दिइएको छैन् ।