काठमाडौं उपत्यकामा चल्न थाले गाडी

२५ भदौ, काठमाडौं । झण्डै एक महिनादेखि ठप्प काठमाडौं उपत्यमा फेरि गाडी चल्न थालेका छन् । बिहीबार बिहानैदेखि उपत्यकाका विभिन्न सडकमा सार्वजनिक गाडी चल्न थालेका हुन् ।

जिल्ला प्रशासन कार्यालय काठमाडौंले जोर विजोरण प्रणाली लागु गरेपछि ट्राफिक प्रहरीले आज उपत्यकामा विजोर नम्बरका गाडी मात्रै चल्न दिएको छ ।

लामो समय थन्किएका गाडी आज एकठाउँदेखि अर्को ठाउँसम्म यात्रु ओसार पसार गरिरहेका छन् । हिजो अस्ति निषेधाज्ञाका कारण सुनसान देखिने सडक आज गाडी र यात्रुले गर्दा भरिन थालेका छन् ।