नारायणगढ–मुग्लिन सडक अवरुद्ध

२६ भदौ, चितवन । नारायणगढ–मुग्लिन सडकखण्ड फेरि अवरुद्ध भएको छ । इच्छाकामना गाउँपालिका–६ जलबिरे नजिक शुक्रबार बिहान पहिरो खस्दा सडक अवरुद्ध भएको हो ।

पहिरोले सडक दुईतर्फी अवरुद्ध बनेको जिल्ला प्रहरी कार्यालय चितवनले जनाएको छ । डोजर लगाएर अहिले सडकको पहिरो हटाउने काम भइरहेका छ । सडक बन्द भएपछि राजधानी काठमाडौं, पोखरा लगायतका स्थानमा जाने आउने यात्रु बीचबाटोमै अलपत्र परेका छन् ।