झिँगा मार्नलाई घर जलाउने मान्छे

२६ भदौ, एजेन्सी । फ्रान्समा एकजना व्यक्तिले एउटा झिंगा मार्न आफ्नै घर जलाएका छन् । फ्रान्सको दोर्दोनमा बस्ने करीब ८० वर्षका वृद्धले बेलुकी खाना खाने बेलामा डाइनिङ रुममा एउटा झिंगा भन्भनाएर दिक्क भएका थिए ।

त्यसपछि उनले लामखुट्टे मार्नका लागि प्रयोग हुने इलेक्ट्रोनिक र्‍याकेटको सहयोगले झिंगा मार्ने कोसिस गरे । तर सकेनन् । त्यही समय उनको घरमा ग्यास लिक भयो ।

ग्याँस चुहिरहेको बेला हावामा इलेक्ट्रोनिक र्‍याकेट चलाएपछि विष्फोट हुँदा घर जलेको हो । विस्फोटमा उनको भान्साकोठाका साथै छतमा नोक्सानी पुग्यो । उनी भने मुश्किलले जोगिए । त्यसपछि पनि उनले झिँगा मार्न सकेनन् । झिंगा उडेर घर बाहिर गएको थियो ।