दुईतर्फी खुल्यो मुग्लिन सडकखण्ड

३० भदौ, चितवन । गएरातीदेखि अवरुद्ध नारायगणगढ–मुग्लिन सडकखण्ड मंगलबार दिउँसोदेखि खुलेको छ । इच्छाकामना गाउँपालिका ६ स्थित चारकिलो नजिक विभिन्न ५ ठाँउमा झरेको पहिरो सफा गरेर दिउँसो साढे २ बजेदेखि सडक सञ्चालनमा ल्याइएको हो ।

सडक आयोजनाका इन्जिनियर शिव खनालले डाँडाबाट लेदोसहितको झरेको हिलो र ढुंगा पन्छाएर सडक सञ्चालन गरिएको जानकारी दिए । सडक अवरुद्ध भएर घण्टौ कुरेका यात्रु सडक खुलेसँगै एकैचोटी हिड्दा सडकमा केही बेर जाम भएको थियो ।