समाजसेवी अधिकारीले दिए प्रहरीलाई साईकल

५ असोज, स्याङ्जा । वालिङ मोडमा रहेको प्रहरी विटलाई एक थान साईकल हस्तान्तरण गरिएको छ । वालिङ ८ का समाजसेवी सिताराम अधिकारीले प्रहरीलाई शान्ति सुरक्षा कायम राख्न सहज होस् भन्दै एक थान साईकल हस्तान्तरण गरेका हुन् ।

समाजसेवी अधिकारीले वडा प्रहरी कार्यालयका प्रमुख प्रहरी निरिक्षक हरिप्रसाद पौडेलमार्फत वालिङ मोड प्रहरी विटका हवलदार मधु केसीलाई सो साईकल हस्तान्तरण गरेका थिए ।

अत्यन्तै व्यस्त रहने वालिङ मोड लगायत बजार क्षेत्रको सुरक्षामा खटिने प्रहरीलाई छिटो छरितो सेवा प्रवाह गर्न सहजता प्रदान हुनेछ भन्ने उद्देश्यले साईकल उपलव्ध गराएको समाजसेवी अधिकारीले बताए । विभिन्न सामाजिक संघसंस्थामा रहेर सामाजिक काम गर्दै आएका समाजसेवी अधिकारीले बेला बेलामा आवश्यकता हेरेर विभिन्न निकायलाई सहयोग गर्दै आएका छन् ।

प्रहरीलाई साधन श्रोत प्रर्याप्त भयो भने नै हाम्रो सुरक्षा गर्न सजिलो हुने छ समाजसेवी अधिकारीले भने,“बजार क्षेत्रको शान्ति सुरक्षाका लागि यो साईकलले महत्वपूर्ण भुमिका खेल्ने छ ।” साईकलको प्रयोगबाट केही हदसम्म भएपनि प्रहरीलाई सेवा प्रवाहमा सहजता मिल्ने विश्वास उनले लिएको बताए । प्रहरीले पाएको साईकलले अब छिटो छरितो सेवा प्रवाह हुने विश्वास अधिकारी परिवारको छ ।

समाजसेवी अधिकारीसहित परिवारले प्रहरीलाई साईकल हस्तान्तरण गरेर सहयोग गरेकोमा वडाप्रहरी कार्यालय आभारी रहेको प्रहरी निरिक्षक पौडेलले बताए । सानातिना घट्नालाई न्युनिकरण गर्न यो साईकलले प्रहरीलाई ठुलो भुमिका खेल्ने विश्वास पौडेलको छ ।