मुम्बईले दियो १९६ रनको लक्ष्य, कोलकत्ताको खराब शुरुवात

७ असोज, काठमाडौं । कप्तान रोहित शर्माले विष्फोटक व्याटिङ गरेपछि मुम्बई इण्डियन्सले कोलकत्ता नाईट राईडर्सलाई १ सय ९६ रनको लक्ष्य दिएको छ । आबुधाबीमा टस हारेर पहिले व्याटिङ गरेको मुम्बईले निर्धारित २० ओभरमा ५ विकेट गुमाएर १९५ रन बनाएको हो ।

मुम्बईका लागि कप्तान रोहित शर्माले ८० रनको योगदान दिए । ५४ बलको सामना गरेका उनले ६ छक्का र ३ चौका प्रहार गरे । आज ६ छक्का प्रहार गरेका उनले आईपीएलमा २०० छक्का प्रहार गरेका छन् । आईपीएलमा २०० छक्का हान्ने उनी चौथो व्याट्सम्यान बनेका छन् । यसअघि क्रिस गेल, धोनी, एबी डिभिलियर्सले २०० छक्का प्रहार गरेका थिए ।

यस्तै सुर्य यादवले ४७ रन बनाए भने सुप्रभ तिवारीले २१ रन बनाए । कोलकत्ताका शिवम माविले २ विकेट लिए भने सुनिल नारिने र आन्द्रे रसेलले एक एक विकेट लिए । १ सय ९६ रनको विशाल लक्ष्य पछ्याएको कोलकत्ताले भने खराब शुरुवात गरेको छ ।

उसका ओपनर व्याट्सम्यान सस्तैमा आउट भएका छन् । सुभमान गिल ७ रनमै आउट हुँदा अर्का ओपनर सुनिल नारिने पनि ९ रनमै पेभेलियन फर्किएका छन् । क्रिजमा कप्तान दिनेश कात्र्तिक र नितिश राना टिकेर व्याटिङ गरिरहेका छन् ।