आज एकाबिहानै झलमल्ल घाम लागेपछि राहत
नेपालबहस संवाददाता
असोज १०, २०७७ शनिबार १६:४२:२८
१० असोज, महोत्तरी । आकाश धुम्मिएर छिनछिनमा पानी परी रहेर दिक्क भएका महोत्तरीवासी आज भने एकाबिहानै जुर्मुराएका छन् । असोज लागीकन बिहानै घाम देख्न नपाएका यहाँका बासिन्दालाई आज एकाबिहानै झलमल्ल घाम लागेपछि राहत मिलेको हो । दिनदिनैजसो छिनछिनमा पर्दै आएको पानीले जकडिएको जनजीवन आज बिहानै आकाश सफा देखिनसँगै पारिलो घाम लागेपछि खुलेको छ ।
एकाबिहानै झलमल्ल घाम लागेपछि जिल्लाका सबैजसो बजारचोकमा चहलपहल बढेको छ । यसपालि भदौ अन्तिम सातादेखि नै दिनदिनै छिनछिनमा पानी परी रहेपछि यहाँको जनजीवन वाक्कदिक्क नै बनेको थियो । अब दुई÷चार दिन लगातार घाम लागे तरकारी खेती गोडमेल, खेतबारी खनजोत गर्न र भदौरे धान काटेर थन्क्याउन पाइने किसानको आश छ । “हेर्नोस् न, खेतमा धान पाकेर दाना झर्दैछ, पानी नरहेर काट्न, दाँइ गर्न र थन्क्याउन पाइएको थिएन”, जिल्लाको बर्दिवास नगरपालिका–७ मनहरिपुरका किसान बिन्देश्वर यादवले भने, “आज बल्ल कति दिनमा राम्ररी घाम लागेको छ, अब अन्न थन्क्याउन पाइने आश जाग्यो ।”
मौसममा सुधार देखिएसँगै अब तरकारी गोडमेल र नयाँ खेतीका लागि खेतबारी खनजोत गर्न अनुकूल हुने यादव बताउछन । जिल्लाको उत्तरी क्षेत्रका बर्दिवास, भङ्गाहा, गौशाला र औरही नगरपालिका क्षेत्रमा आँसु ‘भदौरे धान’ मुख्य बालीका रुपमा रहँदै आएको छ । अब राष्ट्रिय महत्वका चाडपर्व नजिकिएसँगै घर सरसफाइ, लिपपोत र रङरोगन गर्ने बेला पनि नजिकिएको सर्वसाधारण गृहिणी बताउछन् । मौसम उघ्रेसँगै रातो, कमेरे र पहेँलो माटोको खोजीमा लाग्ने गृहिणीको तयारी छ । “अब १९-२० दिनपछि त दशैँ शुरु भइहाल्छ, पानी परी रहेर केही गर्न पाइएको थिएन”, जिल्लाकै भङ्गाहा–४ थारुटोल बनराकी अशिया चौधरी थारुले भने, “अब बल्ल घाम देखिएको छ, चाडपर्वको तयारीमा लाग्न पाइने आश जाग्यो ।”
अहिले मौसममा सुधार देखिएसँगै पशुपालक किसानले गोठमै बाँधिएर रहेका घरपालुवा पशुबस्तु ‘गाई, भैँसी, बाख्रापाठा’ फुकाउन, डुलाउन पाएका छन् । धेरै दिनपछि पारिलो घाम लागेपछि लुगा धुने व्यवसायका धोबीलाई पनि राहत भएको छ । “धेरै दिनदेखि ग्राहकले धुन दिएका लुगा पानी परी रहेर घरमै थुप्रिएको थियो”, जिल्लाको बलवा नगरपालिकाको बन्चौरीका मुस्लिम बैठा धोबीले भने, “अब भने काम गर्न पाइने भयो ।” लामो समयपछि आकाश उघ्रेपछि बल्ल शरद ऋतु प्रारम्भ भएको यहाँका सर्वसाधारणले महसुस गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमैथिली विकास कोषको निर्माणाधीन भवनको मुख्यमन्त्री सिँहद्वारा निरीक्षण
कात्तिक १, २०८१ बिहिबार
भारतीय फिल्मी शैलीमा आए, गिरीमाथि आक्रमण गरे
असोज ३०, २०८१ बुधबार
अलौमा मेयर सिंहमाथि हातपातः डुबान समस्याका कारण स्थानीयको आक्रोश
असोज २२, २०८१ मंगलबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
नेपालबहस संवाददाता
कात्तिक १, २०८१ बिहिबार
अब के गर्छन सभामुख, के हुन्छ लामिछानेको सांसद पद
नेपालबहस संवाददाता
कात्तिक २, २०८१ शुक्रबार
देउवा फकाएर ओलीले राजनीतिक दलसम्बन्धी अध्यादेश ल्याएर दल फुटाउन सक्ने प्रतिपक्षीको आशंका
कात्तिक २, २०८१ शुक्रबार
सहकारीको रकम अपचलन प्रकरणमा रास्वपाका सभापति लामिछाने चाँडै पक्राउ पर्ने, प्रचण्डसँग हारगुहार
कात्तिक २, २०८१ शुक्रबार
अब के गर्छन सभामुख, के हुन्छ लामिछानेको सांसद पद
कात्तिक २, २०८१ शुक्रबार
२०८० कात्तिकपछिका विपद्जन्य घटनाका पीडितलाई यस वर्ष राहत दिइने
कात्तिक २, २०८१ शुक्रबार
सभापति लामिछाने जोडिएको सूर्यदर्शन सहकारीमा रु डेढ अर्ब अपचलन
कात्तिक २, २०८१ शुक्रबार
आत्मसमीक्षासहित समृद्ध नेपाल निर्माणमा जुटौँ : अध्यक्ष दाहाल
कात्तिक २, २०८१ शुक्रबार
१५ औँ महाधिवेशनमा सभापतिमा उठ्छु, ‘कन्फ्युजन’ मा नपर्नु होला : नेता कोइराला
कात्तिक २, २०८१ शुक्रबार
सिनवारको मृत्युको हमासले पनि गर्यो पुष्टि
कात्तिक २, २०८१ शुक्रबार
रवि लामिछाने पक्राउ बारे प्रहरीले सभामुखलाई दियो जानकारी
कात्तिक २, २०८१ शुक्रबार