उपत्यकामा जोर बिजोर चेकिङले बिहानैदेखि जाम !

१३ असोज, काठमाडौं । ट्राफिक प्रहरीले बिहानैको समयमा जोर बिजोर जाँच गर्न थाल्दा काठमाडौं उपत्यकामा ट्राफिक जाम बढेको छ । सडकमा गाडीको संख्या बढ्न थालेपछि प्रहरीले बिहानैदेखि जाँच शुरु गरेको हो ।

तर गाडी नम्बर हेर्दा पनि आधा बाटो ब्लक गर्दा थापाथली, बानेश्वर, कोटेश्वर लगायतका ठाउँमा ट्राफिक जाम बढेको हो ।बिहान साढे ९ बजे थापाथलीमा ट्राफिक प्रहरीको जाँचले कुपन्डोलमा रहेको हिमालयन होटलसम्मै जाम बढेको थियो ।

यसैगरी प्रहरीले त्रिपुरेश्वर, न्युरोड गेटलगायत क्षेत्रमा पनि जाँच गरिरहेको छ। जसले गर्दा कार्यालय निस्कने समयमा काठमाडौंका सडकमा पहिले झै जाम देख्न सकिन्छ। प्रहरीको चेकिङले कार्यालय हिडेका यात्रु भने घण्टौ जाममा बस्न बाध्य भएका छन् ।