साताव्यापी ४१ औं सामाजिक सेवा दिवस सम्पन्न

◊ धीरुभाइ

१४ असोज सप्तरी । विभिन्न कार्यक्रम गरी साताव्यापी ४१ औं सामाजिक सेवा दिवस सम्पन्न भएको छ । सेभ द सप्तरी र सेभ द चिल्ड्रेनले विभिन्न कार्यक्रम गरेका छन । संस्थाले पहिलो, चौथो र छैटो दिनमा कार्यक्रमहरु आयोजना गरेको छ ।

कोभिड–१९ ले शिक्षा क्षेत्रमा पारेको असरलाई न्युनीकरण गर्न पाँच हजार ५९८ जना बालबालिकालाई १९ लाख ४० हजार ३५४ बराबरको स्व शैक्षिक विष्णुपुर, छिन्नमस्ता, तिलाठी कोइलाडी गाउँपालिका र राजविराज नगरपालिका वडा न.ं १,५,१४,१५ र १६ का विद्यार्थीहरुलाई वितरण गरेको छ ।

त्यस्तै प्रदेश न.: २ का भूमि व्यवस्था, कृषि तथा सहकारी मन्त्रीको प्रमुख आतिथ्य, राजविराज नगरपालिकाका प्रमुख शम्भु प्रसाद यादव र सेभ द चिल्ड्रेनका सप्तरी जिल्ला संयोजक अरुण महतो, शिक्षा संयोजक खिलानाथ निरौला र जिविकोपार्जन कार्यक्रम संयोजक इन्द्र बहादुर, सेभ द सप्तरीका अध्यक्ष धुव प्रसाद देव लगायउतले राजविराज १४ का १२ वटा कृषक समुहका एक सय ९२ जना कृषक सदस्यहरुलाई व्यवसायिक तरकारी खेतीलाई बढावा दिन पाँच लाख बराबरको तरकारीका विउ र मल खाध उपलब्ध गराइएको बताइएको छ ।

त्यसैगरी प्रदेश न: २ का प्रदेश सभा सदस्य श्री गोविन्द न्यौपानेले राजविराज स्थित साई कृष्ण आइसोलेशन केन्द्रमा आइसोलेशनमा रहेका ८३ जना विरामीहरु (१५ जना महिलाहरु र ६५ जना पुरुषहरु ) का लागि स्वास्थ्य डिगनिटि किट निमित मेडिकल सुपरिटेन्डेन्ट रणजीत झालाई हस्तान्तरण गर्नुको साथै सबै जना विरामीहरुलाई एक÷एक किलो स्याउ वितरण गरेको बताएको छ ।

संस्थाले छिन्नमस्ता वडा न: ३ स्थित प्राथमिक स्वास्थ्य केन्दमा ह्याण्ड वासिङ सुविधा जडान, राजविराज स्थित पव्लिक माविमा अध्ययनरत नौ जना दृष्टिविहिन विद्यार्थीलाई शैक्षिक सामाग्री, र स्रोत शिक्षक समेत गरी १० जनालाई विद्यालय पोशाक तथा फलफुल वितरण संस्थाका गोपाल चौधरीले बताए ।