प्रदेश ५ को नाम लूम्बिनी, राजधानी दाङ !

१६ असोज, काठमाडौं । प्रदेश ५ को नाम लूम्बिनी र राजधानीको दाङको भालुवाङ राख्ने प्रस्ताव प्रदेशसभामा पेश भएको छ । प्रदेश ५ सरकारले प्रदेशको स्थायी राजधानी दाङको भालुवाङ बनाउने र नाम लूम्बिनी राख्ने प्रस्ताव प्रदेशसभामा पेश गरेको हो ।

प्रदेश ५ का आन्तरिक मामिला तथा कानुनमन्त्री कुलप्रसाद केसीले प्रदेश सरकारका तर्फबाट प्रस्ताव पेश गरेका थिए । प्रधानमन्त्री केपी शर्मा ओली र अध्यक्ष पुष्पकमल दाहाल ‘प्रचण्ड’बीच प्रदेश पाँचको राजधानी दाङ तोक्ने सहमति भएपछि प्रदेश सरकारले नाम र राजधानी तोक्ने प्रस्ताव प्रदेशसभामा पेश गरेको हो ।