प्रियमको अर्धशतकमा हैदरावादले चेन्नेईलाई दियो १६५ रनको लक्ष्य

१६ असोज, एजेन्सी । १९ बर्षीय युवक प्रियम गगले विष्फोटक व्याटिङ गर्दै अर्धशतक बनाएपछि आईपीएलमा हैदरावादले चेन्नेईलाई १६५ रनको लक्ष्य दिएको छ । दुबईमा टस जितेर पहिले व्याटिङ गरेको हैदरावादले निर्धारित २० ओभरमा ५ विकेट गुमाएर १६४ रन बनायो ।

उसका लागि १९ बर्षीय अलराउण्डर प्रियमले नटआउट ५१ रन बनाए । २२ बलमै अर्धशतक पूरा गरेका उनले ६ चौका र १ छक्काको मद्दतमा सर्वाधिक ५१ रन बनाएका हुन् । यस्तै अभिषेक शर्माले ३१, मनिष पाण्डेयले २९ र डेभिड वार्नरले २८ रन बनाए । चेन्नेईका दीपक चाहरले २ विकेट लिए ।

१६५ रनको लक्ष्य पछ्याउँदै चेन्नेईले जवाफी व्याटिङ थालेको छ । खराब शुरुवात गरेको उसले शुरुको ३० ओभर नकटाउँदै ओपनर व्याट्सम्यामन शेन वाट्सन र अम्बाती रायडुलाई सस्तैमा गुमाएको छ । जारी आईपीलमा पुछारमा रहेका दुबै टोलीमध्ये चेन्नेई सबैभन्दा पुछारमा रहेको टिम हो ।